祝出道一週年！
超級高～貴嘅王子殿下：
恭喜殿下出道一週年啊！
我由半年前左右開始睇殿下，就覺得殿下好識互動又盞鬼，就連事故嗰陣都咁得意！
殿下唱歌亦都好掂，次次一聽殿下唱歌，個心都會靜落嚟，甚至可以邊聽邊寫程式，可以欣賞到呢啲能力嘅我真係好好彩！
我哋黑騎查實都知道殿下畀咗唔少心機經營頻道，亦都應該捱過唔少苦，甚至係犧牲咗唔少嘢。不過殿下努力還努力，都記得要睇住身心，攰嘅話就一定要好好畀自己放下假，話晒健康最緊要吖嘛！
爲咗獎勵殿下嘅努力，我就搭咗個網站送畀殿下，個皇家水族館應該可以幫到殿下放鬆心情。之後有乜想改嘅都歡迎同我講，我做到嘅話就盡做！
小小心意，不成敬意，希望殿下笑納！
最後，衷心多謝殿下帶咗咁多歡樂畀我哋！殿下繼續做自己就得㗎喇！
祝
身體健康！好好食飯！
太鼓×樣
2022年6月