超級高～貴嘅王子殿下：
我都想係d比較後期既觀眾，唯一後悔既位就係陪唔足殿下呢一週年。我係收益化歌回之後先入坑既觀眾，之後仲上埋圓桌💪💪💪
覺得殿下畀我既印象就係一個work hard, play hard全力以赴既存在，對自己要求好高好錫自己fans既努力家黎，搞笑又隨和又識替人設想既人，企劃都好用心同畀左好多驚喜我地。黑騎們遇到殿下畀殿下寵都係我地福氣黎（當然調番轉都係），每一個配信都感受到殿下元氣滿滿同好多既正能量（歌回有幾高汁唔多講啦），為我日常生活既負能量同煩惱都掃得一乾二淨，所以呢一年真係非常感謝你。
一週年之後，殿下一定會有更多既突破同新嘗試，祝殿下之後既發展順順利利、平平坦坦。呢個一週年知你畀左好大壓力自己去呈現最好既野畀觀眾，你如果可以放髮d適當時間畀自己休息吓就更加好，最緊要身體快樂，好好食飯。殿下你既努力已經畀黑騎發現，總有一日你會畀世界發現，衝出呢個港V圈，實現自己想做既野，希望之後未來既每一個一週年都可以陪伴殿下，請多多指教
友人E
2022年6月